У Дзень Волі сілавікі зноў затрымалі Ніну Багінскую
12- 28.03.2024, 14:16
- 15,810
Яе будуць судзіць за бел-чырвона-белы сцяг на тумбачцы.
У Менску ў Дзень Волі сілавікі затрымалі 77-гадовую вядомую актывістку Ніну Багінскую. Пра гэта паведамляе "Белсат" са спасылкай на крыніцу.
Ніна Багінскую адвезлі ў аддзел міліцыі і трымалі там да вечара. У дачыненні да яе склалі пратакол за знойдзены ў кватэры нацыянальны бел-чырвона-белы сцяг. Ён ляжаў на тумбачцы ў пакоі.
Адміністрацыйная справа актывісткі будзе разглядацца ў судзе Першамайскага раёна Мінска.
Нагадаем, на Дзень Волі летась сілавікі таксама ўварваліся ў кватэру Багінскай, забралі яе ў РАУС і пратрымалі да вечара.