Як на войска РФ паўплывае арышт намесніка Шайгу

Колькасць дэзерцірства вырасце.

У Расеі обвинили во взяточничествеабвінавацілі ў хабарніцтве і ўзялі пад варту намесніка міністра абароны Цімура Іванова. Разам з кіраўніком Мінабароны РФ Сяргеем Шайгу ён працаваў амаль 8 гадоў.

Затрыманне Іванова абавязкова паўплывае на ход вайны ва Украіне. Пра гэта «24 Каналу» расказаў пісьменнік, публіцыст, грамадскі дзеяч, расейскі апазіцыянер Расціслаў Мурзагулаў, дадаўшы, што такія падзеі найперш адаб'юцца на тых, хто знаходзіцца пад элітарным ціскам.

– Можам толькі ўявіць, як да такой навіны паставяцца расейскія мабілізаваныя, якія цяпер сядзяць у акопах, а таксама тыя, хто імі камандуе. Яны не з'яўляюцца галоўнымі бенефіцыярамі вайны, а пайшлі туды «з-пад палкі», – расказаў Мурзагулаў.

Расейцаў прымушаюць падпісваць кантракты і ісці на фронт. У адваротным выпадку пагражаюць. Менавіта так на поле бою патрапіла большасць расейскіх байцоў. Гэтым можна растлумачыць такую вялікую колькасць дэзерціраў у расейскім войску.

– Цяпер гэтыя людзі даведаюцца, колькі ўсяго скралі Шайгу з Івановым. Толькі ўявіце, які ў іх цяпер баявы дух, хоць ён і да таго не быў на высокім узроўні, а цяпер стане яшчэ горшым, – зазначыў расейскі апазіцыянер.

Да таго ж пасля такіх навінаў байцам яшчэ могуць сказаць ісці на штурм і захопліваць невялікую вёску. Цяжка ўявіць, што яны будуць адчуваць і ці доўга змогуць выконваць злачынныя загады.

– Дык усё хутчэй дойдзе да кропкі, калі байцы кінуць аўтаматы і вернуцца назад у свае вёскі. Тады пачнецца паспяховы контрнаступ Украіны, – сказаў Мурзагулаў.

Таму адзіным варыянтам для акупантаў з'яўляецца здацца ў палон. Хоць над імі ёсць жорсткі кантроль, таму што расейскія камандзіры ўсведамляюць, што для многіх палон з'яўляецца найлепшым выйсцем.