«З узвода засталося ў жывых тры чалавекі, маліцеся»
4- 28.04.2024, 13:55
- 13,670
У РФ злілі маштабы страт мабілізаваных.
РФ працягвае несці каласальныя страты ў вайне супраць Украіны. У Башкартастане паведамілі аб гібелі амаль цэлага ўзвода, сфармаванага з мабілізаваных.
Увагу на інцыдэнт звярнуў расейскі вайсковы аналітык Ян Мацвееў, цытуе dialog.ua.
Ён выявіў на адным з праваслаўных паблікаў РФ паведамленне з просьбай памаліцца аб 1-м узводзе УС РФ з Башкартастана. Ён быў амаль цалкам знішчаны ў вайне супраць Украіны.
«З 1-га ўзвода мабілізаваных Башкартастана засталося ў жывых 3 чалавекі. Памаліцеся», - гаварылася ў паведамленні.
Мацвееў адзначыў, што ў гэты ўзвод было мабілізавана 25 чалавек. У выніку баёў смяротнасць там склала 88%. Гэта каласальная колькасць.
«З 25 чалавек мабілізаваных у жывых засталіся трое - 88% загінулі. Не параненыя, не камісаваныя па інваліднасці, а менавіта загінулі. Вось вам і рэальная сітуацыя стратаў расейскага войска», - адзначыў расейскі эксперт.
Такія вялізныя страты - гэта вынік упадабанай тактыкі вайсковага камандавання РФ. Наступаць расейцы аддаюць перавагу так званымі «мяснымі штурмамі», калі пазіцыі УСУ літаральна завальваюць вялікай колькасцю жывой сілы не звяртаючы ўвагі на «200-х» і «300-х».