Расейскія ахвотнікі звярнуліся да вайскоўцаў РФ

І заклікалі перадаваць ім інфармацыю аб сваіх камандзірах.

Ва Украіне маглі зліквідаваць сына расейскага генерала Аляксандра Лапіна Дзяніса, вядомага тым, што ён адпраўляў сваіх падначаленых у «мясныя штурмы».

У сувязі з гэтым у Telegram-канале «Легіён «Свабода Расеі» з'явіўся зварот да вайскоўцаў РФ. Расейскія ахвотнікі заклікаюць акупантаў перадаваць інфармацыю аб сваіх камандзірах, якія адпраўляюць жаўнераў на пэўную смерць.

«Не канечне гінуць у мясным штурме і назаўжды заставацца ў безназоўнай пасадцы. Маеце магчымасць справядліва аддзячыць тым, хто ставіцца да вас, як да эксплуатацыйнага матэрыялу», — гаворыцца ў звароце.