Імам, які ляцеў з прэзідэнтам Ірана, пражыў гадзіну пасля катастрофы

Ён выходзіў на сувязь.

Імам Джума-мечэці іранскага горада Тэбрыза Саед Махамад-Алі аль-Хашам, што знаходзіўся ў верталёце прэзідэнта краіны Ібрахіма Раісі, які пацярпеў катастрофу, быў жывы яшчэ цягам гадзіны пасля катастрофы, паведаміў кіраўнік дзяржаўнай арганізацыі ў кіраванні крызіснымі сітуацыямі Махамад Хасан Намі, паведамляе IMNA.

«Адзінае цела - аяталы аль-Хашэма, імама Тэбрыза, знаходзілася ў найлепшым фізічным стане, чым іншых загінулых, і найменш абпаленае, таму той пражыў яшчэ гадзіну пасля авіякатастрофы і нават меў кантакт з Галямам Хасейнам Эсмаілі, кіраўніком адміністрацыі прэзідэнта, праз тэлефон», - сказаў ён.

Целы астатніх загінулых, у ліку якіх Раісі, кіраўнік МЗС Хасэйн Амір Абдалахіян, губернатар правінцыі Усходні Азербайджан Малік Рахмаці, а таксама супрацоўнікі аховы прэзідэнта і чальцы экіпажа, былі абпаленыя, але іх змаглі апазнаць без правядзення ДНК-экспертызы. Усяго загінулі восем чалавек.

Целы загінулых забралі з месца катастрофы. Пахаванне адбудзецца ў Тэбрызе 21 траўня. У краіне абвешчаная агульнанацыянальная жалоба.

Верталёт прэзідэнта (паводле звестак Tasnim, гэта Bell 212) здзейсніў жорсткую пасадку ў лясной узгорыстай зоне на поўначы Ірана, у правінцыі Усходні Азербайджан, сталіца якога горад Тэбрыз. У рэгіёне быў моцны туман, пошукавую аперацыю ўскладнялі таксама дажджлівае надвор'е і цемра.

Іранская дэлегацыя вярталася з Азербайджана, дзе Раісі правёў сустрэчу з калегам Ільхамам Аліевым. Усяго ў паветранай калоне былі тры верталёты, два з іх прызямліліся шчасна.

Аятала Алі Хаменеі прызначыў першага віцэ-прэзідэнта Махамада Махбера кіраўніком выканаўчай улады. Цягам 50 дзён у Іране пройдуць новыя выбары прэзідэнта.